其他
རྡོ་ཡི་སྙིང་པོ། རིན་ཆེན་གཡུ།
作者：普桑加编辑：普桑加
བོད་ལ་གཏེར་ཁའི་རིགས་མང་པོ་ཡོད་པ་ནི་བོད་ཀྱི་མཁས་པ་ཀརྨ་ཆགས་མེད་དང་ཀརྨ་པ་རང་བྱུང་རྡོ་རྗེ། ཀུན་མཁྱེན་འཇིགས་མེད་གླིང་པ་སོགས་ཀྱིས་མཛད་པའི་རིན་པོ་ཆེ་བརྟག་ཐབས་ཀྱི་གཞུང་མང་བོ་ཡོད་པ་ལས་ཤེས་ཐུབ། རིན་པོ་ཆེའི་རིགས་ལ། གསེར་དང་དངུལ། ཟངས། ལྕགས། ལི། ཛི་ཀྴིམ། ར་གན། མཁར་བ། གཡུ། བྱུ་རུ། མུ་ཏིག སྤོས་ཤེལ། པདྨ་ར་ཀ དུང་། སྦུབ། སིལ་སྙན། དྲིལ་བུ། དཀར་ཡོལ། གོས་ཆེན་གྱི་རིགས་སོགས་ལ་བརྟག་ཅིང་དཔྱད་ཚུལ་ཡོད་ཅིང་། གཟི་དང་། ཕྲ་མེན། ཁྱུང་སྐྱུག ནལ་ལ་སོགས་པ་མི་བཞུ་བའི་ཁམས་ཀྱི་རིན་པོ་ཆེ་དང་། གསེར་དང་། དངུལ། ཟངས། ལྕགས་ལ་སོགས་བཞུ་བའི་ཁམས་ཀྱི་རིན་པོ་ཆེའི་རིགས་སོགས་གཏེར་ཁ་ཆེ་ཕྲ་དཔག་ཏུ་མེད་པ་ཐོན་བཞིན་ཡོད།
©Wonders of Tibet
拍摄：Krause, Ernst
图片来源：《阿秀毛：喜马拉雅绿松石王国》
མདོར་བསྡུས་ན། རིན་ཆེན་གཡུ་ནི་བོད་ཀྱི་གནའ་བོའི་ལོ་རྒྱུས་སུ་ཆབ་སྲིད་དང་། དཔལ་འབྱོར། ཆོས་ལུགས། དམག་འཐབ་སོགས་སུ་མེད་དུ་མི་རུང་བའི་དངོས་པོ་རྩ་ཆེན་ཞིག་ཡིན་ལ། བོད་མིའི་སེམས་ཁོང་དུ་རིན་ཆེན་གཡུ་ནི་ངོ་མཚར་ཆེ་ཞིང་བཀྲ་ཤིས་རླུང་རྟ་འཕེལ་བ། འཚེ་བར་བྱེད་པའི་གདོན་འགེགས་ཐམས་ཅད་འགོག་ཅིང་རང་སྲོག་སྲུང་བའི་དངོས་པོ་རྩ་ཆེན་ཞིག་ལ་ངོས་འཛིན་བྱེད། དམངས་ཁྲོད་ཁ་དཔེར་ཡང་“ཕོ་དགྲ་ལྷ་ཅན་ལ་གཡུ་དུད་འཁོར་”ཞེས་པའི་བཤད་སྲོལ་ཡོད་པ་ལྟ་བུ། རིན་ཆེན་གཡུ་ནི་གདོན་དགེ་མཛེས་གསུམ་གྱི་མཚོན་རྟགས་ལྟ་བུར་གྱུར་ཡོད་པ་མ་ཟད། རྩ་ཤིན་ཏུ་ཆེ་བའི་རྡོའི་རིགས་ཀྱི་སྙིང་པོ་དང་རྒྱན་ཆའི་རིགས་ཤིག་ཡིན་ལ། དེ་ནི་མི་མངོན་པའི་ནོར་ལོངས་སྤྱོད་ཀྱི་བདག་ཉིད་ཅན་ཞིག་ཀྱང་ཡིན་པར་ངོས་འཛིན་བྱེད།